සතිමත්විම හෝ සතිය
පිහිටුවීම යන්නෙන් අදහස් කරන්නේ කුමක්ද?
සතිමත්වීම හෝ සතිය
පිහිටුවීම වීම යනු දිනපතා කරනු ලබන සැම කටයුත්තක දීම එය සිහියෙන් යුක්තව කිරීමයි.
අහාර අනුභව කිරීම සලකමු:
බත් පිඩක් ඇනිමේ සිට එය කුසය තුලට යාම දක්වා සැම ක්‍රියාවක්ම
මනසින් දැකීම සතිය යැයි කිවොත් නිවැරදිය. එනම් බත් පිඩ ඇනීම, ඉන්පසුව එය අතින් ගෙන
මුවෙහි තැබීම, සැපීම සහ ගිලීම යන මේ සියලු කාර්යයන් කෙරෙහි සිහිය යොමු කිරීම සතිය
නම් වේ.
මෙලෙස දවසක් තුල අප
විසින් අප්‍රමාණ වූ කාර්යයන් ගණනාවක් සිදු කරන්නෙමු. මේ සියල්ල කෙරෙහි සතිමත් වීම පහසු කටයුත්තක්
නොවේ. නමුත් ක්‍රමක් ක්‍රමයෙන් කුඩා වැඩවල සිට මෙය පුරුදු කිරීමේදී කාලයත් සමග
සිදුකරන්නා වූ කුදු මහත් සැම කටයුත්තක් දෙසම සිහිය තබා ගැනීම පහසු වේ.
නවකයකු මෙම කටයුත්ත
ආරම්භ කරන්නේ කෙසේද?
ඇවිදීම හෙවත් සක්මන
නවකයකු සඳහා සතිමත් වීමට මහත් රුකුලක් ගෙනදේ. මේ සඳහා අඩි 30 - 40 පමණ දිගකින් යුත් තැනිතලා බිමක් තෝරා ගත යුතුය. මෙම තෝරාගත්
ස්ථානය බාහිර ශබ්ධ අවම ස්ථානයක් වීම වඩාත් සුදුසුය. පළමුව තෝරාගත් ස්ථානයේ එක්
අන්තයක සිට විනාඩියක් පමණ ඉදිරිය බලා තමා කිරීමට යන කර්යය ගැන සිතිය යුතුය. ඉන්පසු
සාමාන්‍ය වේගයකින් ඉදිරියට ගමක් කල යුතුය. ගමන් කිරීමේදී තමාට අඩි 5ක් 6ක් ක් ඉදිරියෙන් ඇති
පොළව දෙස නෙත් යොමා ගෙන සිටීමෙන් බෙල්ල පෙදෙසේ ඇතිවන වේදනා අවම කරගත හැක. අනිත් අන්තයට ගිය පසුව නැවත පැමිණි දෙසට සෙමෙන්
හැරී ගමන් කල යුතුය.
ඉහත අයුරින් විනාඩි 5 ක්
පමණ ගමන් කල පසුව සක්මනේ පහසුවක් දැනේ නම් සිත තැම්පත් වන්නේ නම් ගමන් කිරීමේදී
දෙපා වල සිදුවන ක්‍රියාව සිතින් දැකිය හැක. එනම් පය එස වෙන අයුරුත් ඉදිරියෙන් තබන
අයුරුත් සිතින් දැකිය හැක. මෙලෙස පැය බාගයක් පමණ ආරම්භයේදී සිදුකල හැකිනම් එය
සිතෙහි ඇතිවන තැම්පත් බවට පෙර නිමිත්තකි. දිනපතාම මෙලෙස තෝරාගත් වෙලාවක් තුල මෙය අඛණ්ඩව
කරගෙන යාම සුදුසුය.
Image: http://www.randellsfootcare.co.uk
